Moitas veces a muller, despois de ter camiñado anos da súa vida, chega a un punto no que os seus horizontes vitais se ven ensombrecidos e condicionados pola incomprensión familiar. Cando se decata de que os fillos xa non están na casa, nota no seu home actitudes que implican distanciamento e pasividade. Cando sente que o ambiente rutinario e opresivo do fogar a afoga, o seu ánimo vese mergullado na depresión e na frustración. Con gran realismo a autora conta os temores, amores e desexos máis íntimos de calquera muller reflectidos na vida de Berta. Esta é a historia dunha muller que quixo cambiar o seu xeito de vida e simplemente se encontrou coa sombra da soidade.