Pensar en Baiona significa recrearse en imaxes de historia e de mariñeiría, pero a vila é, ante todo, un lugar señorial, cunhas xentes de modais cortesáns, pausados e encantadores. En Baiona, xunto á Virxe da Rocha, semella que o tempo se mestura nas formas xeolóxicas ou históricas creando ilusión arredor do observador. Lembranzas de Drake, das carabelas de Colón, do Novo Mundo unha vila ó pé do mar.