Aurkezten dugun Familia Zuzenbidearen eskuliburuak planteamendu desberdina du ikasleek liburu-dendetako edo liburutegietako apaletan aurkituko dituzten Familia Zuzenbidearen gainerako eskuliburuekin alderatuta. Egin dugunontzat ez dago familia kontzeptu bakar bat (tradizioz, ezkontzazkoa), baizik eta aterki beraren aurrean gaude, hagaxka ezberdinek eutsita. Familia batzuk bi pertsonen artean sortzen dira, sexu berekoak edo desberdinekoak izan, Kode Zibilak dioenez, baina inklusiboagoa litzateke esatea Çsexuaren markatzailea edozein dela ereÈ. Bikote batzuek erabakitzen dute beren familia-batasuna formalizatzea Ñezkontzaren bidez edo bikoteen erregistro batean izena emandaÑ, beste batzuek, berriz, nahiago dute formalismorik ez betetzea, guraso bakarreko familiak ere badaude, guraso batek eta haren ondorengoek osatuak, ahaidetasun zabalenean errotzen diren familia-loturak dauden bezala Ñaitona-amonak eta bilobak, osaba-izebak eta ilobak, edota anai-arrebak, besteak besteÑ. Eskuliburu honetan familiari buruzko kontzeptu hori hartzen da abiapuntutzat, eta irakurriko duten ikasleei azaltzen zaie familia-harremanen zer alderdi arautzen diren Zuzenbide Zibilaren materia honetan. Familia Zuzenbideak, lehenik eta behin, familiako kide guztiak lotzen dituen familia-lotura juridikoa sortzeko behar diren betekizunak eta mekanismoak ezartzen ditu. Horrela, ezkontza eta ezkontza hori egiteko moduak arautzen ditu, bai eta ezkontzaz kanpoko bikoteen erregistroko inskripzioa ere, baina, ikuspegi juridikotik, gurasoen eta seme-alaben arteko harremana noiz sortzen den ere zehazten du, eta harreman horrek, era berean, gainerako senideekiko lotura zehazten du. Familia-harreman juridikoa sortu ondoren, bizikidetzaren eta haren desegitearen ondarezko efektuak arautzen ditu Familia Zuzenbideak. Ikasle preziatuak, espero dugu irakasgai honekin gozatzea, eta, batez ere, pentsatuko, arrazoituko eta eztabaidatuko dituzuela proposatzen dizkizuegun planteamenduak.