Ao país das pompas chega un ser diferente e estraño como caído do ceo. As relacións que se establecen coa natureza como espectador mudo, dan vida a esta historia. Unha lección de vida, a de fixarnos no que nos une, en lugar de en aquilo que nos separa e a de como aproveitar as oportunidades que se nos presentan, contemplando as dificultades como desafíos e non como problemas. Faino a través da mirada dun ourizo, Pinchiño e dunha pompa de xabón, Perica, que a pesar das súas diferenzas, a priori insalvables, atopan a maneira de poder compartir un marabilloso día das súas vidas xuntos, supoñendo para ambos, algo inesquecible