Xenia notarik onenak atera nahian ari da Medikuntza ikasteko ilusioak bultzatuta, baina azkenaldian beheraka doa. Izan ere, maiteminduta dago, baina ez bere inguruko mutil batez, fantasma batez baizik. Internetetik sortutako ahots hori Xenia bezain irakurzalea da. Neska segurua denez eta bere maite-lagun birtualak ez dionez elkar ikusteko aukerarik ematen, bila hasiko da eskura dituen datu apurrak baliatuz, sorpresa bat ematearren. Eta hara non dena izango den gezurra: ez mutilaren izena, ez argazkia, ez dira benetakoak. Nor da, orduan, Xeniaren arima biki hori? Ikasketak alde batera uzteagatik damututa, gurasoei kontatuko die gertatutakoa, lotsagaberen baten biktima izan delakoan. Hala ere, ezustean jasotako pakete batek argituko dio zein den bere emoziorik intimoenak piztu zituen mutilaren nortasuna. Kartzelatik dator paketea: preso batek odola izozteko moduko kontakizun bat idatzi dio.