Vuelen les dagues na corte del rei Alfonso VIII de Lleón y Quelino de Tresfoces, monxu astu- rianu al que nenguna pasión humana-y ye ayena, quier convertise nel home de confianza del monarca norteñu. En compañía de Bastián, noviciu del monasteriu benedictín de San Vicente d'Uviéu, va tratar de facese un güecu ente la Curia Plena d'un rei menazau pol espoxigue de la corona castellana y del moru.Si na ciudá de Lleón ye onde ta la batalla pol poder, ellí va ufrir Quelino los sos servicios como conseyeru dende La Torre la Resquiebra, un comerciu discretu enforma nel que por una bolsa de maravedinos quien quiera puede contratalos. Bastián va ser testigu mudu de les artes non siempres piadoses d'esti monxu escuru, que ye a xugar coles supersticiones del pueblu inorante mesmo que d'iguar documen- tos hestóricos o de descubrir espíes castellanos que traten de valtiar al monarca. Nesti xuegu de tronos medieval onde naide nun ye quien diz ser y el sangre cuerre fácil, a quien quiera medrar hacia'l cumal del reinu más-y val tener bien pegada la espalda a la paré.Nicolás Bardio presenta una novela d'intri- gues polítiques espectacular con una ambien- tación hestórica rigurosa y un ritmu narrativu vibrante.