Ez da erraza GATEPAC erakundearen inguruan ekarpen berririk egitea, asko eta askotarikoak baitira hari buruz publikaturiko lanak. Zer dakar berritik, bada, liburu honek? GATEPACeko euskal adarraren inguruabar politikoen ikuspegi bat dakar batik bat, inork ez baitio oraindaino taldearen eta garaiko gorabehera politikoen arteko erlazioari heldu. Hain zuzen ere, balio errepublikanoak errotuen eta zabalduen zeuden jendarteetan izan zuen arrakastarik handiena erakundeak. Ipar Taldeko arkitekto askok erlazio estua izan zuten politikarekin eta alderdi politiko jakin batzuekin. Alabaina, ez ote diren Ipar Taldeari buruzko lanetan eta ikerketa-saiakeretan ertz politiko horiek ostenduta gelditu. Begi bistakoa da omisioa GATEPACeko Ipar Taldeari buruzko lanetan, eta harrigarria da nola ez zaion orain arte heldu, zeren eta ikuspegi politikotik erreparatuta, bestela ikusten baitira taldearen baitako gorabeherak, baita hobeto konprenitzen ere taldekide bakoitzaren ibilbidea.