Este volume do Atlas Lingüístico Galego pecha a serie dos tres dedicados ó léxico relacionado co ser humano. En 2005 apareceu o volume V, Léxico. O ser humano (I) de 300 mapas, en 2020, o volume VII, Léxico. O ser humano (II), de 294, este volume VIII, Léxico. O ser humano (III) cartografa 259 conceptos en 280 cartas, pois algunhas respostas obtidas para algún concepto deben representarse en máis dun mapa. Coma sempre, os tres foron elaborados a partir da información contida nos cuestionarios do proxecto recollida nos traballos de campo entre 1974 e 1977.