Liburu erakargarri eta argi idatzitako honek mundu modernoaren sorrerari buruzko kontakizun bat dakarkigu, 1400etik gaur arteko tartea hartzen duena. Asiari, Afrikari eta Mundu Berriari buruzko ikerkuntzak ekarri duen jakintza berria erabiliz, Robert Marks-ek kontakizun bat eraikitzen du, zeinean munduko parte horiek jokatzen baitituzte rol nagusiak. Mundu modernoaren historia gaur arte luzatuz, liburuak azaltzen du nola eta zergatik agertu ziren Estatu Batuak munduko botere nagusi XX. mendean eta bihurtu diren botere handi bakar XXI. mendera iristean. Marksek argudiatzen du ezen, Mendebaldearen goraldia bezala, Estatu Batuen hegemonia globalerainoko goraldia kontingentea izan dela, ez ezinbestekoa; adierazten du, halaber, nola ari den berriz ere goraka Asia, eta zenbat aldatu diren gizakiek ingurumenarekin dituzten harremanak; luzera begira, horrek gainditu egin ditzake azken mendeetako mugarri politiko eta ekonomiko guztiak.